കൊറോണ മാസ്ക്

കൊറോണ വരാത്തവർ  കുറവാണ്. ഒന്നിലധികം തവണ വരാൻ സാധ്യതയുണ്ട്ത്രേ. നീ സൂക്ഷിക്കണം. ഇപ്പോൾ തന്നെ ഒന്നര വർഷത്തിനുള്ളിൽ നാലു തവണ കൊറോണ വന്നവരുണ്ട്.  അവർ മരിച്ചിട്ടില്ല. മരിക്കുകയുമില്ല. കുറച്ചു കാലം കിടന്നു വലയും. പക്ഷേ പ്രശ്നം മരുന്നില്ലെന്നുള്ളതാണ്. കൊറോണ  എന്നത് ഒരു രോഗമല്ല. മോഹമാണ്. മോഹത്തിന് എവിടെയാണ് മരുന്ന്. റഷ്യയിലുണ്ട്  അമേരിക്കയിലുണ്ട്  ജർമനിയിലുണ്ട്  എന്നൊക്കെ പറയാം. ആരോ പറഞ്ഞപോലെ കുട്ടികളെ പറഞ്ഞു പറ്റിക്കുന്ന പരിപാടിയാണിത്. നാളെ ആകട്ടെ നാളെ ആകട്ടെ എന്ന് പറഞ്ഞു,  കൊറോണക്ക് ആരും മരുന്ന് കണ്ടുപിടിക്കാൻ പോകുന്നില്ല. മോഹത്തിന് മോഹ വിലയാണ്. കൊറോണയുടെ മരുന്നു അതുപോലെയാണ്. പ്രായമായ പലർക്കും കൊറോണ  വന്നതിനുശേഷം പ്രായം കുറഞ്ഞതായി ഞാൻ വായിച്ചു കേട്ടു. മരിച്ച പലർക്കും കൊറോണ ഉണ്ടായിരുന്നില്ലെന്നും ഞാൻ അറിഞ്ഞു. കൊറോണ സുഖമാണോ അസൂഖമാണോ എന്നത് പോലും തിരിച്ചറിയാൻ കഴിയാത്ത വിധം മുഖമൂടിയണിഞ്ഞിരിക്കുന്നു. ചിലർ വെള്ള മാസ്ക്, ചിലർ കറുപ്പ്, നീല, ചാര നിറം,  പിന്നെ പച്ച.  നീ പിന്നെ എല്ലാ മാസ്ക്കും ധരിക്കുന്നവളാണെന്ന് എനിക്കറിയാം. അത് താഴെ വീഴാതെ സൂക്ഷിക്കണം.